ඔබ දියවැඩියාවෙන් පෙලෙන අයෙක්ද ? මෙන්න දියවැඩියාව සුවකරගන්න පුළුවන් අදහගන්න බැරි ස්වභාවික ක්‍රම 6ක්
පහලින් අපිව subscribe කරන්න
දියවැඩියාව කියන්නේ ලෝකයේ බොහෝ රටවල් වල ප්‍රධාන සෞඛ්‍ය ගැටළුවක්. මෑතදී කරපු සමීක්ෂණ වලින් හෙළි වෙලා තියෙනවා ලංකාවේ මිනිස්සු ලක්ෂ 20කටත් වඩා දියවැඩියාව තියෙන බව. ඒ කියන්නේ හැම 10 දෙනෙකුගෙන්ම කෙනෙක් දියවැඩියා රෝගියෙක් කියන එකයි. මේ තත්වය පහු ගිය කාලය පුරා කිසිම අඩු වීමක් නම් නෑ. යන විදිහට ගියොත් ඊළඟ අවුරුදු 15 ඇතුලත ජනගහනයෙන් 1/6 කට දියවැඩියාව වැළෙඳන්න ඉඩ තියෙනවා කියලයි කියවෙන්නේ.
ඉතින් තේරෙනවා නේද මේක මොන තරම් විශාල ගැටලූවක්ද කියලා? එන්න එන්නම සීනි අධික ආහාර ගන්න එකත්, ශරීරයට අවශ්‍ය තරමට වඩා ආහාර ගන්න එකත්, ව්‍යායාම අඩු කමත්, මානසික ප්‍රශ්නත් දියවැඩියාව ඉහළ යන්න හේතු වෙනවා. ඉතින් මේකෙන් මිදීම සඳහා විවිධ ක්‍රියා මාර්ග ගන්න සෞඛ්‍ය අමාත්‍යංශයට පවා සිදු වෙලා. පැණි බීම වල සීනි ප්‍රතිශතය ගහන්න ඕනේ කියන නීතිය දාන්න හේතුව වුණෙත් ඕකයි.
දියවැඩියාව කියන්නේ ශරීරයේ ලේ වල තියෙන ග්ලූකෝස් ප්‍රමාණය ඉහළ යාම නිසා ඇති වන රෝග තත්වයක්. ශරීරයට ග්ලූකෝස් ලැඛෙන්නේ අපි ගන්න ආහාර වලින්. නිතර මේ විදිහට ලැඛෙන ග්ලූකෝස් ප්‍රමාණය වැඩි වුණාම ඒවා ග්ලයිකොජන් විදිහට ශරීරයේ තැන්පත් වෙනවා. මේ ග්ලයිකොජන් තමයි අපි කෑම නොකන වෙලාවට ශරීරයේ ශක්ති අවශ්‍යතාව සපුරන්න ග්ලූකෝස් විදිහට ආපහු ප්‍රයෝජනයට ගැනෙන්නේ. ඉතින් අපේ කට්ටිය ගොඩක් කෑම කාලා පොඩ්ඩක් වැඩ කරාම වෙන්නේ මේ විදිහට තැන්පත් වෙන ග්ලයිකොජන් පාවිච්චි වෙන්නේ නැති එකයි. අන්තිමට ග්ලූකෝස් ටික මුත්‍රා එක්ක බැහැර කරන්න ශරීරයට සිද්ධ වෙනවා. මේ තත්වයට එනවා කියන්නේ දියවැඩියා රෝගය හැදිලා ඉවරයි. ඒකයි දියවැඩියාව හඳුනා ගන්න මුත්‍රා පරික්ෂා කරන්නේ.
මේ විදිහට හැදෙන ග්ලයිකොජන් වැය කරවන්න අවශ්‍ය වෙන්නේ අග්න්‍යාශයේ හැදෙන ඉන්සියුලින්. සමහරුන්ට මේ ඉන්සියුලින් නිපදවීම අඩු වෙන එකත් දියවැඩියාව උත්සන්න වෙන්න බලපානවා. මේ විදිහට අවශ්‍ය ප්‍රමාණයට ඉන්සියුලින් හැදෙන්නේ නැති එක පුංචි කාලේදී වගේම වෙනත් ඕනෑම වයසකදී වුණත් ඇති වෙන්න පුළුවන්. මෙහෙම හැදෙන දියවැඩියාව හඳුන්වන්නේ පළමුවන වර්ගයේ දියවැඩියාව කියලයි. සියලූ දියවැඩියා රෝගීන් අතරින් 10%කට විතරයි මේ තත්වය තියෙන්නේ. ඉතාම බහුලව තියෙන ප්‍රශ්නය තමයි ඉන්සියුලින් වලට ශරීරය ප්‍රතික්‍රියා නොදැක්වීම. ඒ වගේම තමයි කාන්තාවකට ගර්භණී සමයේ ඇති වෙන්න පුළුවන් තුන් වන දියවැඩියා වර්ගයකුත් තියෙනවා.
2016 ලෝක සෞඛ්‍ය දිනයේ වැඩි අවධානයක් යොමු වුණේ මේ නිහ~ මාරයා ගැන මිනිසුන් දැනුවත් කරලා එයින් වැළකෙන්න වගේම ඉක්මනින් ප්‍රතිකාර ලබා ගන්නටත් මිනිසුන් උනන්දු කරවන එක ගැනයි. දියවැඩියාව පිළිබඳ ඉහලම දැනුමක් තියෙන කෙනෙක් වන වෛද්‍ය ශිකා ශර්මා සමග කරපු සාකච්ඡාවකට අනුව ඔහු ලබා දීපු උපදෙස් 6ක් තමයි මේ කියන්න හදන්නේ. ඔහු නියුටි්‍ර හෙල්ත් කියන ආයතනයේ ආරම්භකයා වගේම ඉතා පළපුරුදු වෛද්‍යවරයෙක්. ඇෙඟ් ග්ලූකෝස් මට්ටම නිරෝගී ප්‍රමාණයට තියා ගන්න කරන්න ඕනේ සරල දේවල් 6ක් ඔහු මෙහෙම විස්තර කරනවා.
1. හැමදාම උදේට ලා උණුසුම් උණු වතුර වීදුරුවක අලූතෙන් කුඩු කරපු උළු හාල් තේ හැන්දක් දිය කරලා බොන්න. උළු හාල් කියන්නේ වෙනත් ප්‍රයෝජන ගණනාවක්ම ලබා දෙන වගේම ලේ වල තියෙන ග්ලූකෝස් සාන්ද්‍රණය අඩු කරන්නත් ඉහළ හැකියාවක් තියෙන ඇට ජාතියක්. ඒ වගේම ආහාර ජීර්ණය පමා කරලා සීනි හා කාබෝහයිඩ්‍රේට උරා ගැනීමත් අඩු කරනවා. ශරීරය සීනි වැය කරන ප්‍රමාණය ඉහළ නංවන්නත් දායක වෙනවා.
2. උළු හාල් ඇට, සූදුරු ඇට, නීම් ඇට (කොහොඹ) හා කාරල් ඇට (අන්තිම දෙක ආයුර්වේද වෙළඳ සැලකින් ගන්න) සම ප්‍රමාන වලින් අරගෙන එකට අඹරා ගන්න. දැන් මේකෙන් තේ හැන්දක් උදේ සහ රාත්‍රී ආහාරයට කලින් වතුර එකකට දාල බොන්න.
3. පනීර් ඩොඩා මල් (මේවා සුපිරි වෙළඳසැල් වල බෝතල් විදිහට තියෙනවා - ඡ්බැැර ෘදා්) 8ක් 10ක් විතර වතුරට දාල රෑ පුරාවට තියලා උදේට පෙරලා බොන්න. ඉන්දියාවේ හැදෙන මේ මල් ගස හඳුන්වන්නේ ඉන්සියුලින් ශාකය කියලා, ඒ තරමටම දියවැඩියාව නැති කරන්න හැකියාවක් තියෙනවා. මේක කරාම ඉතා ඉක්මනින් දියවැඩියාව අඩු කර ගන්න පුළුවන්.
4. අම්ලා යුෂ (නෙල්ලි යුෂ) තේ හැඳි දෙකක් හා කහ කුඩු තේ හැඳි ¼ක් එකට මිශ්‍ර කරලා උදේට බොන්න. අම්ලා කියන්නේ ලේ වල සීනි අඩු කරන්න කාලයක් පුරා පාවිච්චි වුන පලතුරක්. කාබෝහයිඩ්‍රේට් දහනය වේගවත් කරන ක්‍රෝමියම් ලවණ මෙහි බහුලව අඩංගු වෙනවා. ඒ නිසා ඉන්සියුලින් වලට ශරීරය දක්වන ප්‍රතික්‍රියාව වර්ධනය කර ගන්න පුළුවන්. ඕනෑම සුපිරි වෙළඳසැලකින් අම්ලා මිලට ගන්න පුළුවන්.
5. ඉදුණු කරවිල ගෙඩි ½ ක්, පිපිඤ්ඤා ගෙඩි ½ ක්, සෙලරි ද~ු 2ක් හා කොළ ඇපල් ගෙඩි ½ ක් එකට දමලා හොඳට බ්ලෙන්ඩර් කර ගෙන බොන්න. මේක දවසකට පාරක් ගන්න අවශ්‍යයි.
6. මස්බැද්ද කොළ තේ හැන්දක් විතර අරගෙන කොටලා වතුරේ දිය කරලා බොන්න. කෑම කන්න පැය ½ කට වගේ කලින් මේක බොන එකයි හරි ක්‍රමය. ආයුර්වේද වෙළඳසැල් වලින් ගන්න පුළුවන් මේ කොළ වර්ගය කාබෝහයිඩ්‍රේට් ශරීරයට උරා ගන්න එක පාලනය කරනවා. මේ නිසා පහසුවෙන්ම ග්ලූකෝස් මට්ටම පාලනය කර ගන්න පුළුවන්.
මේ කියපු දේවල් නිතර කරොත් ඔබට දියවැඩියා රෝගයෙන් ඇති වන අනවශ්‍ය බලපෑම් වලින් මිදෙන්න පුළුවන් වේවි. ඒ වගේම නිතරම ක්‍රියාශීලීව හිටියොත්, අහිතකර කෑම ගන්න එක, පැණි බීම හා මත්පැන් පානය එහෙම අඩු කලොත් දියවැඩියාව හදා ගන්නෙම නැතිව ඉන්නත් පුළුවන් වේවි.
අතර්ජාලයෙන් උපුටා ගැනීමකි
Post a Comment